19/10/17

CONCERTO DE MÚSICA NA BIBLIOTECA VIVA

Hoxe tivemos o pracer de recibir na nosa biblioteca o CMUS que nos deleitou cun concerto de música clásica. Tivemos a posibilidade de ver de preto instrumentos que non temos no cole, viaxamos polo mundo da música clasica e fomos espectadores dunha gran obra. Moitísimas grazas!!!
 

30/9/17

BENVIDOS AO NOVO CURSO 2017- 2018

Ola rapaces e rapazas benvidos ao novo curso escolar 2017-2018!!! Espero que veñades cheos de ENERXÍA, de GANAS DE TRABALLAR, de SENTIR, de vivir un novo curso cargados de ILUSIÓN e ENTUSIASMO, para de novo compartir moitas EXPERIENCIAS, APRENDIZAXES, e vivencias todos xuntos.
 

Espero que pasárades unhas boas vacacións!!! Eu tamén disfrutei dabondo, visitando moitos lugares da terra,... Pero sabedes que? Mentres estabamos de vacacións unha profe deste colexio preparou algo moi especial para o meu lugar favorito: a nosa BIBLIOTECA

Aquí vos deixo unha pista en forma de adiviña:

 Teño follas sin ser árbore,
  fálote sin ter voz,
se me abres non me queixo,
adiviña quen son eu.


Pois si, acertastes: FÍXONOS UN CONTO!!!:


Pero,... vos fixastes!!! Está escrito en inglés, por iso é moi fácil de adiviñar quen o escribiu: a profe BELÉN. Por iso dende todo o cole e en especial desde A BIBLIOTECA querémoslle darlle MOITAS GRAZAS!!!
Deste xeito grazas a ela, este ano a nosa biblioteca nada máis comezar o curso xa está VIVA. Ademais as súas personaxes gústanme moito pois nos veñen moi ben para traballar o noso proxecto,... Cal será?
Tamén quero felicitarvos pola vosa actividade do primeiro día do cole pois fixestes uns murais, entre todos, chulísimos que adornarán o noso cole.
Ahh!!! espero que vos gustara a pegatina que vos regalei de benvida ao cole.



Por certo estiven lendo as palabras que saíron e todas estaban relacionadas coas miñas vacacións!!! Cantas palabras bonitas sobre a NATUREZA.
A partir destas lecturas, e grandes debuxos e as vosas ideas: NATUREZA, MEDIO AMBIENTE  déstesme unha gran idea para o proxecto deste ano. Que vos parece si traballásemos o medio ambiente pero desde o ámbito de admiralo, protexelo, coidalo, para así comezar poñendo o noso pequeno e grande gran, e comezar a crear un mundo mellor, que debe ser un proxecto común de todos. 
Agardo con impaciencia o noso reencontro neste lugar tan especial, no que cada curso iniciamos unha nova andadura ou aventura, que nos permite gozar e aprender moito.

Por iso desde a biblioteca propoñemos que este curso e  os vindeiros o noso lema sexa : 
UN MUNDO NOVO, PROXECTO COMÚN DE TODOS.


19/4/17

Día do libro

Para conmemorar o día do libro, os padriños e madriñas van ler os libros escollidos os seus afillados e afilladas lectoras. Para plasmar esa experiencia farán un pequeno debuxo da historia e finalmente cantaremos todos xuntos a canción "Nun libro" de Paco Nogueira. Para que vaiades practicándoa deixamos aquí o video da canción. Todos e todas a cantar!

Pincha aquí para ver o video da canción



24/3/17

21 de marzo Día da poesía

Cada ano, o 21 de marzo, a UNESCO celebra o Día Mundial da Poesía e nos invita a reflexionar sobre o poder da linguaxe poética e o florecemento das capacidades creadoras de cada persoa. 
Por iso Dino preparou unha exposición de libros de poesía ao lado da porta da biblioteca. Ademais aconsellounos que adicaramos a hora de ler para  ler poesía durante toda a semana. Por último, cada clase compuxo poesías e foron recitalas aos demais compañeiros/as.

 

 


24/2/17

DÍA DE ROSALÍA DE CASTRO

Este ano  dende o Equipo de Dinamización da Lingua Galega para celebrar o Día de Rosalía propúxose decorar a entrada do colexio con murais sobre Rosalía de Castro. Por outra banda, os nenos e nenas de todos os cursos decoraron as letras dun poema de Rosalía a xeito de cenefa por riba do pasamáns.


Dende a biblioteca tamén quixemos colaborar realizando unha pequena exposición cos libros de Rosalía.


18/2/17

ENTROIDO 2017

  O vindeiro venres, día 24, celebramos o ENTROIDO en Abelendo.

Este ano, como estamos traballando nun proxecto que como sabedes titulamos "Emociónate con xeito" imos ir de EMOTICONOS.

Convidamos a todas as familias a que nos acompañen levando o seu disfraz de emoticono.

Se o tempo o permite subiremos a San Martiño en pasarrrúas; queremos cubrir Abelendo de ruído e alegría.

Agradecemos tamén dende aquí a colaboración das familias que como todos os anos, nos fan chegar lambetadas de entroido coas que damos un toque gastronómico a un día tan especial.
Para ir quentando motores Dino comeza coas súas ordes:





 O VENRES DE EMOTICONOS 
 todos imos vir
 enfadados, ledos, namorados....
 o voso queremos descubrir.